НҮБ-ын Хөгжлийн хөтөлбөрөөс хэрэгжүүлж буй “Монгол орны хөдөөгийн иргэдийн уур амьсгалын өөрчлөлтөд дасан зохицох чадамжийг дээшлүүлэх, эрсдэлийн менежментийг боловсронгуй болгох нь” төсөл (цаашид АДАПТ төсөл гэх) ийн “Буйр нуур-Халх голын сав газрын менежментийн төлөвлөгөөг уур амьсгалын өөрчлөлт, эрсдэл, эмзэг байдалтай уялдуулан шинэчлэх/шинэчлэн боловсруулж батлуулах” Зөвлөх үйлчилгээний ажлын хүрээнд энэхүү төлөвлөгөөг боловсруулав. Буйр нуур-Халх голын сав газрын усны нөөцийн нэгдсэн менежментийн төлөвлөгөөг Алсын хараа 2050, Шинэ сэргэлтийн бодлоготой уялдуулан 2030 он хүртэл буюу нийт 6 жилийн хугацаанд, 2025-2027, 2028-2030 он гэсэн 2 үе шаттайгаар хэрэгжүүлнэ. Сав газрын усны нөөцийн нэгдсэн менежментийн төлөвлөгөөнд хүн амын ус, хөдөө аж ахуйн ус, үйлдвэрлэлийн ус, хүрээлэн буй орчны ус, сав газрын усны менежментийн орчин гэсэн үндсэн 5 багц асуудлын хүрээнд стратегийн 5 зорилт, үйл ажиллагааны 17 зорилт дэвшүүлж, тэдгээрийг хэрэгжүүлэхийн тулд нийт 33 арга хэмжээ, 97 үйл ажиллагааг тодорхойлж, шаардагдах төсөв, хөрөнгө оруулалтыг урьдчилсан байдлаар тоймлон оруулав.