Хөвсгөл аймгийн Ренчинлхүмбэ сумын Шишхэд, Тэнгис голын бэлчир орчимд загас үржүүлэх төв байгуулах зорилгоор загасны зүйлийн бүрдэл, агнуурын үндсэн зүйлийн биологийн болон агнуурын нөөц, нөхөн үржихүйн чадавх, тархалтыг тогтоох зэрэг судалгааг гүйцэтгэлээ. 

Мөн 400,000-500,000 ширхэг жарамгай үржүүлэх хүчин чадалтай загас үржүүлгийн төвийн тоног төхөөрөмж, судалгааны багаж хэрэгслийн сонголтыг хийн, судалгааны байр, лаборатори, судлаач нарын сууц, түүний дэд бүтцийн эх үүсвэр, шугам сүлжээний техникийн зураг төслийг боловсруулж хөрөнгө оруулалтыг тооцооллыг хийлээ.